At-Takwir

إِذَا ٱلشَّمۡسُ كُوِّرَتۡ

Enjuba bw'erizingwako

وَإِذَا ٱلنُّجُومُ ٱنكَدَرَتۡ

Nga n’emunyeenye zikunkumuse

وَإِذَا ٱلۡجِبَالُ سُيِّرَتۡ

Era ensozi bwe zirikungunsibwa (ne zigibbwawo)

وَإِذَا ٱلۡعِشَارُ عُطِّلَتۡ

Nga n’ebisolo ebyo mu maka nga tebikyafiibwako (newakubadde nga biriba mawako)

وَإِذَا ٱلۡوُحُوشُ حُشِرَتۡ

N’ebisolo by’omu nsiko nabyo nga bikungaanyiziddwa

وَإِذَا ٱلۡبِحَارُ سُجِّرَتۡ

Nga n’ennyanja zikuumiddwako omuliro (ne zibumbujja)

وَإِذَا ٱلنُّفُوسُ زُوِّجَتۡ

Nga n’emyoyo gigatiddwa buli egifaanagana nga giri wamu (Emirungi nga giri n’emirungi, e mibi nga giri n’emibi)

وَإِذَا ٱلۡمَوۡءُۥدَةُ سُئِلَتۡ

Era omwana omuwala eyaziikibwa nga mulamu bw'aliba abuuziddwa

بِأَيِّ ذَنۢبٖ قُتِلَتۡ

Kibi ki ekyamussa

وَإِذَا ٱلصُّحُفُ نُشِرَتۡ

Ebiwandiiko bwe biribeera nga bisasaanyiziddwa (nga buli kiwandiiko kituuka ku nnannyini kyo, omuli ebyo bye yakola ku nsi)

وَإِذَا ٱلسَّمَآءُ كُشِطَتۡ

E ggulu bwe liriba liggyiddwawo

وَإِذَا ٱلۡجَحِيمُ سُعِّرَتۡ

Nga n’omuliro gukoleezeddwa

وَإِذَا ٱلۡجَنَّةُ أُزۡلِفَتۡ

Nga n’ejjana esembezeddwa

عَلِمَتۡ نَفۡسٞ مَّآ أَحۡضَرَتۡ

Olwo omuntu alimanya ekyo kye yakola (kibe kirungi oba kibi)

فَلَآ أُقۡسِمُ بِٱلۡخُنَّسِ

Ndayira e munyeenye ezibulawo

ٱلۡجَوَارِ ٱلۡكُنَّسِ

Ezibula emisana ne zirabika ekiro

وَٱلَّيۡلِ إِذَا عَسۡعَسَ

Era ndayira ekiro bwe kiba nga kyolekedde okuggwaawo

وَٱلصُّبۡحِ إِذَا تَنَفَّسَ

Era ndayira n’amakya g’obudde nga busaasaana

إِنَّهُۥ لَقَوۡلُ رَسُولٖ كَرِيمٖ

Mazima yyo (Kur'ani) kigambo kya mubaka (Jiburilu) ow'ekitiibwa (ky’aggya eri Katonda n’akireetera Nabbi Muhammad)

ذِي قُوَّةٍ عِندَ ذِي ٱلۡعَرۡشِ مَكِينٖ

Oyo (Jiburilu) owaamaanyi era ow'ekitiibwa eri nnannyini Arishi

مُّطَاعٖ ثَمَّ أَمِينٖ

Agonderwa (ba Malayika banne) eyo (mu ggulu) ng'ate mwesigwa

وَمَا صَاحِبُكُم بِمَجۡنُونٖ

Era munnammwe (Nabbi Muhammad) si mulalu

وَلَقَدۡ رَءَاهُ بِٱلۡأُفُقِ ٱلۡمُبِينِ

Mazima ddala ye (Muhammad) yamulaba (Jiburilu) mu bweyolefu nga ajjudde obwengula

وَمَا هُوَ عَلَى ٱلۡغَيۡبِ بِضَنِينٖ

Era tali (Nabbi Muhammad) ku bigambo ebyekwese (ebikwata ku bubaka obuva eri Katonda n'ebigambo by'omu ggulu) ayinza obutatuukiriza

وَمَا هُوَ بِقَوۡلِ شَيۡطَٰنٖ رَّجِيمٖ

(Ebigambo bya Kur'ani Muhammad byayogera) si bigambo bya sitaani omukolimire

فَأَيۡنَ تَذۡهَبُونَ

Naye ddala mulaga wa

إِنۡ هُوَ إِلَّا ذِكۡرٞ لِّلۡعَٰلَمِينَ

Wabula Yo (Kur'ani) kyakubuulirira eri ebitonde byonna

لِمَن شَآءَ مِنكُمۡ أَن يَسۡتَقِيمَ

Eri oyo mu mmwe aba ayagadde okulungama

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Naye ate temujja kwagala okugyako nga Katonda Omulezi w’ebitonde ayagadde