Al-Infitar

إِذَا ٱلسَّمَآءُ ٱنفَطَرَتۡ

E ggulu bwe ririba lyeyasizzaamu

وَإِذَا ٱلۡكَوَاكِبُ ٱنتَثَرَتۡ

N'emunyenye bwe ziriba nga zivudde waggulu ne zisaasaana

وَإِذَا ٱلۡبِحَارُ فُجِّرَتۡ

N'ennyanja bwe ziriba nga ziwaguludde

وَإِذَا ٱلۡقُبُورُ بُعۡثِرَتۡ

Ne Kabbuli bwe ziriba nga zifuukuddwa (abafu bonna ne bavaayo)

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Omuntu alimanya ebyo bye yakulembeza okukola ne bye yasembyayo

يَـٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Owange ggwe omuntu kale kiki ekyakugayaaza okukuggya ku muleziwo (Katonda) Omugabi

ٱلَّذِي خَلَقَكَ فَسَوَّىٰكَ فَعَدَلَكَ

Oyo eyakutonda n’akutereeza era n’akwenkanyankanya

فِيٓ أَيِّ صُورَةٖ مَّا شَآءَ رَكَّبَكَ

Mu kifaananyi kyonna kye yayagala mwe yakutondera

كَلَّا بَلۡ تُكَذِّبُونَ بِٱلدِّينِ

Nedda, wabula mulimbisa olunaku olw’okusasulwa (olw’enkomerero)

وَإِنَّ عَلَيۡكُمۡ لَحَٰفِظِينَ

Mazima muliko abakuumi (Ba Malayika)

كِرَامٗا كَٰتِبِينَ

Abeekitiibwa abawandiisi (abawandiika ebyo byonna ebikolebwa)

يَعۡلَمُونَ مَا تَفۡعَلُونَ

Bamanyi ebyo byonna byemukola

إِنَّ ٱلۡأَبۡرَارَ لَفِي نَعِيمٖ

Mazima abakozi b’obulungi balibeera mu byengera

وَإِنَّ ٱلۡفُجَّارَ لَفِي جَحِيمٖ

Era mazima abakozi b’ebibi bagenda kubeera mu muliro oguyitibwa Jahiimu

يَصۡلَوۡنَهَا يَوۡمَ ٱلدِّينِ

Bagenda kuguyingira ku lunaku olw’okusasulwa (olw'enkomerero)

وَمَا هُمۡ عَنۡهَا بِغَآئِبِينَ

Tebagenda ku gwebulankanyako

وَمَآ أَدۡرَىٰكَ مَا يَوۡمُ ٱلدِّينِ

On'omanyira ku ki olunaku olw'okusasulwa (olw’enkomerero)

ثُمَّ مَآ أَدۡرَىٰكَ مَا يَوۡمُ ٱلدِّينِ

Naye ddala on'omanyira ku ki olunaku olwokusasulwa (Katonda yakiddamu olwokuggumiza obukulu bw’olunaku olwo)

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Olunaku omwoyo lwe gutaliba na buyinza bugasa mwoyo mulala na kintu kyonna. N’ebiragiro ku lunaku olwo biriba bya Katonda yekka